ਪੰਜਾਬੀ ਬਾਣੀ, 16 ਜੁਲਾਈ 2025। Nimisha Priya Case: ਜਿਵੇਂ ਕਿ ਤੁਹਾਨੂੰ ਪਤਾ ਹੈ ਕਿ ਯਮਨ (Yemen) ਵਿੱਚ ਭਾਰਤੀ ਨਰਸ ਨਿਮਿਸ਼ਾ ਪ੍ਰਿਆ (Nimisha Priya) ਦੀ ਫਾਂਸੀ ਨੂੰ ਟਾਲ ਦਿੱਤਾ ਗਿਆ ਸੀ। ਦੱਸ ਦੇਈਏ ਉਸਦੀ ਫਾਂਸੀ ਦੀ ਸਜ਼ਾ ਨੂੰ ਰੋਕਣ ਲਈ ਭਾਰਤ ਦੇ ਗ੍ਰੈਂਡ ਮੁਫਤੀ ਸ਼ੇਖ ਅਬੂ ਬਕਰ ਅਹਿਮਦ ਉਰਫ਼ ਕੰਥਾਪੁਰਮ ਏਪੀ ਅਬੂ ਬਕਰ ਮੁਸਲੀਅਰ ਨੇ ਭਾਰਤੀ ਨਰਸ ਨਿਮਿਸ਼ਾ ਪ੍ਰਿਆ ਦੀ ਫਾਂਸੀ ਨੂੰ ਰੋਕਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ। 94 ਸਾਲਾ ਮੁਸਲਿਮ ਵਿਦਵਾਨ ਨੇ ਅਸੰਭਵ ਜਾਪਦਾ ਕੰਮ ਕਰ ਦਿਖਾਇਆ ਹੈ।
ਇਨਾਂ ਹੀ ਨਹੀਂ ਸਗੋਂ ਕੇਰਲਾ ਦੇ ਕੋਝੀਕੋਡ ਤੋਂ ਰਹਿਣ ਵਾਲੇ ਇਸ ਵਿਦਵਾਨ ਦੀ ਆਵਾਜ਼ ਨਾ ਸਿਰਫ਼ ਭਾਰਤ ਵਿੱਚ ਸਗੋਂ ਦੱਖਣੀ ਏਸ਼ੀਆ ਦੇ ਸੁੰਨੀ ਭਾਈਚਾਰੇ ਵਿੱਚ ਵੀ ਗੂੰਜਦੀ ਹੈ।ਉਨ੍ਹਾਂ ਦੇ ਯਤਨਾਂ ਨੇ 37 ਸਾਲਾ ਨਿਮਿਸ਼ਾ ਨੂੰ ਨਵੀਂ ਜ਼ਿੰਦਗੀ ਦੀ ਉਮੀਦ ਦਿੱਤੀ ਹੈ। ਇਹ ਧਿਆਨ ਦੇਣ ਯੋਗ ਹੈ ਕਿ ਨਿਮਿਸ਼ਾ ‘ਤੇ 2017 ਵਿੱਚ ਇੱਕ ਯਮਨੀ ਨਾਗਰਿਕ ਦੀ ਹੱਤਿਆ ਦਾ ਦੋਸ਼ ਹੈ। ਮੌਤ ਦੀ ਸਜ਼ਾ ਨੂੰ ਫਿਲਹਾਲ ਮੁਲਤਵੀ ਕਰ ਦਿੱਤਾ ਗਿਆ ਹੈ।
10ਵੇਂ ਗ੍ਰੈਂਡ ਮੁਫਤੀ
ਸ਼ੇਖ ਅਬੂ ਬਕਰ ਅਹਿਮਦ ਉਰਫ਼ ਕੰਥਾਪੁਰਮ ਏਪੀ ਅਬੂ ਬਕਰ ਮੁਸਲੀਅਰ ਇਸਲਾਮੀ ਸ਼ਰੀਆ ਕਾਨੂੰਨ ਦੇ ਇੱਕ ਮਹਾਨ ਵਿਦਵਾਨ ਹਨ। ਭਾਵੇਂ ਇਸ ਉਪਾਧੀ ਨੂੰ ਅਧਿਕਾਰਤ ਤੌਰ ‘ਤੇ ਮਾਨਤਾ ਪ੍ਰਾਪਤ ਨਹੀਂ ਹੈ, ਧਾਰਮਿਕ ਮੁੱਦਿਆਂ ‘ਤੇ ਉਨ੍ਹਾਂ ਦਾ ਗਿਆਨ ਬੇਮਿਸਾਲ ਹੈ। ਉਹ ਭਾਰਤ ਵਿੱਚ ਸੁੰਨੀ ਭਾਈਚਾਰੇ ਦੇ ਵੱਡੇ ਚਿਹਰਿਆਂ ਵਿੱਚੋਂ ਇੱਕ ਹਨ ਅਤੇ 10ਵੇਂ ਗ੍ਰੈਂਡ ਮੁਫਤੀ ਵਜੋਂ ਜਾਣੇ ਜਾਂਦੇ ਹਨ।
ਬਿਆਨਾਂ ਅਤੇ ਭਾਸ਼ਣਾਂ ਲਈ ਮਸ਼ਹੂਰ
ਮੁਸਲੀਅਰ ਦਾ ਜਨਮ ਕੇਰਲ ਦੇ ਕੋਝੀਕੋਡ ਵਿੱਚ ਹੋਇਆ ਸੀ। ਉਹ ਨਾ ਸਿਰਫ਼ ਭਾਰਤ ਵਿੱਚ ਸਗੋਂ ਖਾੜੀ ਦੇਸ਼ਾਂ ਅਤੇ ਦੱਖਣ-ਪੂਰਬੀ ਏਸ਼ੀਆ ਵਿੱਚ ਵੀ ਆਪਣੇ ਬਿਆਨਾਂ ਅਤੇ ਭਾਸ਼ਣਾਂ ਲਈ ਮਸ਼ਹੂਰ ਹੈ। ਉਹ ਕੇਰਲ ਅਤੇ ਰਾਸ਼ਟਰੀ ਪੱਧਰ ‘ਤੇ ਉਲੇਮਾ ਦੀਆਂ ਕੌਂਸਲਾਂ ਵਿੱਚ ਸਰਗਰਮ ਹੈ।ਇਸ ਤੋਂ ਇਲਾਵਾ, ਉਹ ਕੋਝੀਕੋਡ ਵਿੱਚ ‘ਮਰਕਜ਼ ਨਾਲੇਜ ਸਿਟੀ’ ਦੇ ਚੇਅਰਮੈਨ ਵੀ ਹਨ। ਇਹ ਇੱਕ ਨਿੱਜੀ ਟਾਊਨਸ਼ਿਪ ਹੈ। ਇਸ ਪ੍ਰੋਜੈਕਟ ਵਿੱਚ ਮੈਡੀਕਲ ਅਤੇ ਲਾਅ ਕਾਲਜ ਦੇ ਨਾਲ-ਨਾਲ ਇੱਕ ਸੱਭਿਆਚਾਰਕ ਕੇਂਦਰ ਵੀ ਸ਼ਾਮਲ ਹੈ।
ਇਹ ਵੀ ਪੜ੍ਹੋ: AI ਨੌਕਰੀਆਂ ਖਾਏਗਾ ਨਹੀਂ, ਸਗੋਂ ਤਨਖਾਹਾਂ ਵਧਾਏਗਾ, ਜਾਣੋ ਕਿਵੇਂ
ਉਹ ਪਹਿਲਾਂ ਵੀ ਆਪਣੇ ਬਿਆਨਾਂ ਕਾਰਨ ਖ਼ਬਰਾਂ ਵਿੱਚ ਰਹੇ ਹਨ। ਉਦਾਹਰਣ ਵਜੋਂ, 2019-20 ਵਿੱਚ, ਉਸਨੇ ਨਾਗਰਿਕਤਾ ਸੋਧ ਕਾਨੂੰਨ (CAA) ਵਿਰੁੱਧ ਸੜਕਾਂ ‘ਤੇ ਉਤਰਨ ਵਾਲੀਆਂ ਔਰਤਾਂ ਨੂੰ ਅਜਿਹੇ ਵਿਰੋਧ ਪ੍ਰਦਰਸ਼ਨਾਂ ਤੋਂ ਬਚਣ ਦੀ ਸਲਾਹ ਦਿੱਤੀ ਸੀ। ਹਾਲਾਂਕਿ, ਉਸਨੇ ਖੁਦ CAA ਦਾ ਵਿਰੋਧ ਵੀ ਕੀਤਾ ਸੀ।